शिक्षासेवी तथा समाजसेवी ओम निरौलाको निधन

विराटनगर । शिक्षासेवी तथा समाजसेवी ओम निरौलाको शनिबार ५८ वर्षको उमेरमा निधन भएको छ ।

मृगौला सम्बन्धी समस्याबाट पीडित भई उपचारका क्रममा उनको निधन भएको हो ।

उनको पार्थिव शरीरको शनिबार नै परोपकार घाटमा अन्तिम संस्कार गरिएको छ ।

स्वर्गीय निरौलाले विराटनगर-१ स्थित ऐतिहासिक राधाकृष्ण रथयात्रा समितिको पूर्व सचिव तथा राधाकृष्ण मन्दिरको महासचिवको रूपमा लामो समय सेवा पुर्‍याएका थिए ।

त्यसैगरी, उनले हालै विराटनगर-१ स्थित विजयपुर टोलस्थित रामजानकी मन्दिरमा सचिवको भूमिकामा समेत महत्त्वपूर्ण योगदान दिएकाे स्थानीय शिल्पा प्याकुरेलले जनाएकी छन्  ।

स्वर्गीय निरौलाका श्रीमती र दुई छोरा छन् ।