Biratnagar, Morang, Nepal
३ मंसिर २०८३, बिहिवार
+977 21 450305, 515728, 578305
राजनीति

मोरङ कांग्रेसको उपसभापतिमा रञ्जूको दावी

उद्‌घोष संवाददाता
२ मंसिर २०८३, बुधवार

विराटनगर । नेपाली कांग्रेस मोरङ जिल्लाको उपसभापतिमा रञ्जू अधिकारीले उम्मेदवारी दिने भएकी छन् । 

पार्टीको १५ औं महाधिवेशनमा प्रतिनिधिको रुपमा निर्वाचित अधिकारीले उपसभापतिमा उम्मेदवारी दिने भएकी हुन् । 

उनी यसअघिको जिल्ला कमिटीमा कोषाध्यक्ष भएर जिम्मेवारी पूरा गरिसकेकी छन् ।

नेपाल विद्यार्थी संघबाट राजनीतिमा प्रवेश गरेकी अधिकारी सबैले रुचाएकी कार्यकर्तामा पर्छिन् । उनी विसं २०४६ सालदेखि नै राजनीतिमा सक्रिय रहँदै आएकी छन् । 

विद्यालयदेखि क्याम्पस हुँदै नेपाली कांग्रेसको पार्टीगत जिम्मेवारीमा उनी आएकी हुन् ।

यसअघि उनी नेपाली कांग्रेसका नेता डा. शेखर कोइरालाको नजिक रहँदै आए पनि पार्टीको विशेष महाधिवेशनपछि उनी पार्टीको संस्थापन पक्षमा खुलेर लागेकी हुन् ।

नेपाली कांग्रेस संस्थापन पक्षको जिल्ला अधिवेशन र प्रदेश अधिवेशन हुन बाँकी नै छ र मिति तोकिएको पनि छैन । 

तर, उम्मेदवार बन्नेहरुले भने आफ्नो नाम चर्चामा ल्याउन थालिसकेका छन् । प्रदेश र जिल्ला दुबैका उम्मेदवारहरुले उम्मेदवारी घोषणा गर्न थालेका हुन् ।

View : 146

३ मंसिर २०८३, बिहिवार

Copyright © 2023 -2026. Udghosh Daily. All Rights Reserved