करेन्ट लागेर दुई बृद्धाको मृत्यु

विराटनगर । मोरङको रतुवामाई नगरपालिका–३  मिर्चा डाँगीमा करेन्ट लागेर दुई जना बृद्धाको मृत्यु भएको छ । 

मंगलबार राति साढे ९ बजे छिमेकीको घरमा भएको बिवाहमा गएका ७३ बर्षीया सूर्यदेवी गनगाईं र ७० बर्षीया रामुदेवी गनगाईको करेन्ट लागेर मृत्यु भएको प्रहरीले जनाएको छ । 

हावाहुरीका कारण बाँसमा बाँधेको माइक ढलेर हाइ टेन्सन लाइनमा छोई विद्युत प्रवाह हुँदा करेन्ट लागि उनीहरु घाइते भएका थिए ।

घाइते दुबैजनाको उपचारको क्रममा रंगेली अस्पतालमा मृत्यु भएको इलाका प्रहरी कार्यालय सिजुवाले जनाएको छ ।