पराजुली भए अडानको कोशी प्रदेश अध्यक्ष

विराटनगर । दर्तावाल लेखापरीक्षकहरूको साझा संस्था नेपाल अडिटर्स एसोसिएसन(अडान) को कोशी प्रदेश अध्यक्षमा फणिन्द्रमणि पराजुली निर्वाचित भएका छन् ।

अडानको शनिबार विराटनगरमा सम्पन्न सातौ प्रदेश अधिवेशनबाट पराजुलीसहित १६ सदस्यीय कार्यसमिति निर्विरोध निर्वाचित भएको हो । 

पराजुली निवर्तमान कमिटीमा सचिव थिए । उनी विराटनगरका हुन् । त्यस्तै उपाध्यक्षमा दमकका दिलबहादुर पौडेल र इटहरीका सन्तोषकुमार ढकाल चयन भएका छन् । 

सचिवमा विराटनगरका भीमप्रसाद गुरागाईं, कोषाध्यक्षमा विराटनगरकै रोशन पोखरेल, सहसचिवमा दमकका वीपी मिश्र र सहकोषाध्यक्षमा इटहरीका भलाकाजी कठयैत चयन भएका छन् ।

नेपाल अडिटर्स एसोसिएसनका केन्द्रीय अध्यक्ष केदारनाथ पौडेलको प्रमुख आतिथ्यतामा भएको अधिवेशन उद्घाटन कार्यक्रममा सल्लाहकार समितिका संयोजक मोहनराज रेग्मीलगायतले शुभकामना दिएका थिए । 
उद्घाटन कार्यक्रम निवर्तमान अध्यक्ष विजयहरि शर्माको सभापतित्वमा भएको थियो ।