नेकपा एस कोशीका सदस्य पोखरेल एमाले फर्किए

विराटनगर । नेकपा एकीकृत समाजवादी कोशी प्रदेश कमिटीका सदस्य मान सिंह पोखरेल एमालेमा फर्किएका छन् । 

संखुवासभाका पूर्व अध्यक्ष समेत रहेका पोखरेललाई विराटनगरस्थित एमाले पार्टी कार्यालयमा स्थायी कमिटी सदस्य एवं कोशी प्रदेश इन्चार्ज शेरधन राई लगायतका नेताहरूले स्वागत गरेका हुन् ।

पोखरेल नेकपा एमाले संखुवासभाको १५ बर्ष जिल्ला सचिवालय सदस्य भइसकेका छन् । 

शिक्षण पेशामा लामो समय काम गरेका पोखरेल शिक्षक संगठन संखुवासभाको दुई कार्यकाल अध्यक्ष समेत थिए । उनी नेकपा एसको गत चैत २८ गते घोषित प्रदेश कमिटीको सदस्य रहेका थिए ।