आन्दोलनको क्रममा झुम्का कारागारबाट फरार कैदी विराटनगरबाट पक्राउ

विराटनगर । सुनसरीको झुम्का कारागारबाट आन्दोलनको मौका छोपी फरार भएका एक जना कैदीबन्दीलाई मोरङ प्रहरीले पक्राउ गरी पुनः कारागार चलान गरेको छ।

पक्राउ पर्नेमा जिल्ला मोरङ, विराटनगर महानगरपालिका वडा नं. ४ बस्ने सन्तोष गुप्ता रहेका छन्। गुप्ता सवारी ज्यान मुद्दामा कैद भुक्तान गरिरहेका थिए।

जिल्ला प्रहरी कार्यालय मोरङका अनुसार, कैदी गुप्ता गत २०८२ भदौ २४ गतेको आन्दोलनका क्रममा झुम्का कारागारबाट फरार भएका थिए।

फरार भएको मिति २०८२ असोज ०९ गते मोरङको विराटनगर क्षेत्रबाट खटिएको प्रहरी टोलीले उनलाई नियन्त्रणमा लिएको हो। पक्राउ गरिएलगत्तै सन्तोष गुप्तालाई बाँकी कैद भुक्तानका लागि झुम्का कारागारमा पठाइएको प्रहरीले जनाएको छ।