गाजामा भएको इजरायली हमलामा चार जनाको मृत्यु ; धेरै घाइते

गाजा, २० कात्तिक । गाजा सहरको पूर्वमा रहेको तुफाहमा मङ्गलबार भएको इजरायली  हमलामा  चार जना प्यालेस्टिनीको मृत्यु  हुनुका साथै अन्य धेरै जना घाइते भएको जनाइएको छ ।

हमला बाट सेनाले उत्तरी गाजा पट्टीको जबालिया शिविरको पश्चिममा आवासीय भवनहरूसमेत क्षतिग्रस्त बनाएको  चिकित्सा स्रोतहरूले बताएका छन् ।

हमलामा, खान युनिसको पूर्वमा रहेका घरहरुमामा सेनाले बम प्रहार गरेपछि धेरै प्यालेस्टिनीहरू घाइते भएको स्रोतहरूले रिपोर्ट गरे।

गत अक्टोबर देखि गाजा पट्टीमा सुरु भएको  इजरायली आक्रमणको परिणामस्वरूप अहिलेसम्म ४३ हजार ३७४ जना प्यालेस्टिनीहरूको मृत्यु भएको छ भने एक लाख दुई हजार   २६१ जना घाइते भएका छन्  । 

हजारौं पीडितहरू भग्नावशेषमुनि बेपत्ता छन् भने कयौँ पहुँचविहीन सडकमा छरिएका छन् । रासस