शंकर ग्रुपको उदाहरणीय सहयोग : सरकारलाई ४ करोड रुपैयाँ हस्तान्तरण, २५ सय थान त्रिपाल प्रदान

काठमाडौं । नेपालको प्रतिष्ठित व्यावसायिक घराना शंकर ग्रुपले गत बुधबार भोटेकोसीमा बाढीबाट प्रभावित क्षेत्रका नागरिकको राहत, उद्धार र पुनस्र्थापनाका लागि सरकारलाई ४ करोड रुपैयाँ सहयोग गरेको छ । 

ग्रुपकी निर्देशक दीपा अग्रवालले उक्त सहयोग रकमको चेक अर्थमन्त्रीलाई हस्तान्तरण गरेकी हुन् । प्राकृतिक विपद्को यो कठिन घडीमा पीडित परिवारलाई तत्काल मद्दत पुगोस् भन्ने उद्देश्यले प्रधानमन्त्री दैवी प्रकोप उद्धार कोषमा सो रकम प्रदान गरिएको हो ।

नगद सहयोगका साथै शंकर ग्रुपले विपद्को सुरु आती चरणमै गृह मन्त्रालयको समन्वयमा राहत कार्यलाई लोभलाग्दो ढङ्गले अगाडि बढाएको थियो । विपद्को तेस्रो दिनमै रुपन्देहीका प्रमुख जिल्ला अधिकारीमार्फत विस्थापित परिवारका लागि २५ लाख रुपैयाँ बराबरको २ हजार ५ सय थान टार्पोलिन (त्रिपाल) टेन्ट उपलब्ध गराई सुरक्षित आवासको व्यवस्था मिलाइएको छ ।

साथै, विषम परिस्थितिमा रातदिन नभनी उद्धार र राहत कार्यमा खटिएका सुरक्षा निकाय, राष्ट्रसेवक तथा स्थानीय संघ९संस्थाहरूको योगदानप्रति उच्च सम्मान र आभार व्यक्त गरेको छ ।

शंकर ग्रुप नेपालको अर्थतन्त्रमा महत्त्वपूर्ण योगदान पु¥याउने देशकै अग्रणी औद्योगिक तथा व्यावसायिक घराना हो । यस संस्थाले हजारौँ नागरिकलाई प्रत्यक्ष तथा अप्रत्यक्ष रोजगारी दिँदै आएको छ भने वार्षिक रूपमा सरकारलाई ठुलो परिमाणमा राजस्व बुझाउने दायित्व निर्वाह गरिरहेको छ । 

विगतमा आएका महाभूकम्प, कोभिड महामारी जस्ता प्राकृतिक विपत्तिहरू र विभिन्न सामाजिक कार्यहरूमा पनि शंकर ग्रुपले सधैँ अगाडि सरेर निरन्तर सहयोग पुर्याउँदै आएको छ । देश र नागरिक संकटमा परेका बखत सहयोगको हात बढाउने आफ्नो यो प्रतिबद्धतालाई शंकर ग्रुपले यस पटक पनि कायमै राखेको छ ।