इलाम १ मा कांग्रेसका निश्कल राई निर्वाचित

विराटनगर । इलाम क्षेत्र नम्बर १ मा निश्कल राई निर्वाचित हुँदै नेपाली कांग्रेसलाई प्रत्यक्षतर्फ १८ सिटमा पुर्याएका छन् ।

उनले श्रम संस्कृति पार्टीका विनोद नेम्वाङलाई ९११ मतले पराजित गरेका हुन् ।

भर्खरै सार्वजनिक अन्तिम मतपरिणाम अनुसार कांग्रेसका राईले १४ हजार ५४३ मत प्राप्त गरेका छन् ।

श्रम संस्कृतिका नेम्वाङले १३ हजार ६३२ मतमा रोकिएका हुन् । 

सुरुवाती अग्रता बनाउँदै आएका नेकपा एमालेका काजीमान कागतेले ११ हजार ९६६ मत ल्याएर तेस्रो स्थानमा सिमित भएका छन् । 

इलाम १ मा रास्वपाका विमल गदालले भने ९ हजार १६० मत पाएका हुन् ।

नेकपाका रन बहादुर राईले ७ हजार ६६५ पाएका छन् ।