धनुषामा कर्फ्यू आदेश जारी

जनकपुर । धनुषामा कर्फ्यू आदेश जारी गरिएको छ ।

बिहीबार दिउँसो बसेको जिल्ला सुरक्षा समितिको बैठकले दिउँसो ३ः३० बजेदेखि अर्को सूचना जारी नभए सम्मका लागि कर्फ्यू आदेश जारी गरिएको जिल्ला प्रशासन कार्यायल धनुषाले जानकारी दिएको छ । 

धनुषाको उत्तरतर्फ लक्ष्मीनिया हाटबजार चोक हुँदै पश्चिम सिनरजोडा चोकसम्म पूर्वमा लक्ष्मीपुर बगेवासम्म त्यस्तै, पूर्वको बेलौनी रोड, दक्षिणतर्फ नगराईन नगरापलिकालेखि नगराईन चोकसम्म र पश्चिमतर्फ जनकपुरको बेला कादरी मस्जिदसम्म कर्फ्यू आदेश जारी गरिएको छ ।

सो क्षेत्रमा जुलुस, प्रदर्शन, सभा, घेराउ गर्न नपाइने जिल्ला प्रशासन कार्यालयले सूचना जारी गर्दै सबैमा जानकारी गराएको छ ।

हिन्दू सम्राट सेनाको आह्वानमा बिहीबार विहानैदेखि हिन्दू युवाहरुले जनकपुर बजार बन्द गरेका छन् । जनकपुरको मुख्य चोकहरुमा टायर बालेर सडक अवरुद्ध गरिएको छ । केही बेर अघि मात्र जनकपुरको पेठिया बजार र दशरतनगरमा झडप भएको छ ।