हिन्दु स्वयंसेवक संघको पाँचौं तलामा एक व्यक्ति मृत फेला

विराटनगर । विराटनगरस्थित हिन्दु स्वयंसेवक संघ नेपालको भवनको पाँचौं तलामा मंगलबार बेलुका साढे ८ बजेतिर एक व्यक्ति भुण्डिएको अवस्थामा फेला परेका छन् ।

मृत भेटिएका व्यक्तिको नाम हरिकृष्ण खत्री भएको प्रारम्भिक जानकारी प्राप्त भएको छ । घटनास्थलमा पुगेको प्रहरीले अनुसन्धान अघि बढाएको जनाएको छ ।

उनी किन उक्त भवनमा पुगे भन्ने कुरा खुल्न बाँकी छ । प्रहरी स्रोतले पनि विस्तृत विवरण आउन बाँकी रहेको जनाएको छ ।