अग्रज नेता एवं सामाजिक अगुवा गोपाल पाण्डेको निधन

विराटनगर । नेकपा एमालेका अग्रज नेता तथा सामाजिक व्यक्तित्व गोपाल पाण्डेको निधन भएको छ ।

विराटनगर–१० निवासी पाण्डे राजनीतिका साथै सामाजिक क्षेत्रमा सक्रिय रहँदै आएका थिए । उनको आइतबार निधन भएको जनाइएको छ ।

स्वर्गीय पाण्डे अरनिको बहुद्देश्यीय सहकारी संस्था लिमिटेडका वर्तमान् सचिव समेत हुन् । उनी एमालेको पूर्व सचिवालय सदस्य भएर राजनीतिक काम गरेका थिए ।

२०५४ सालको स्थानीय तह निर्वाचनमा उनी तत्कालिन वडा नम्बर १३ को वडा सदस्यमा समेत निर्वाचित भएका थिए ।

स्वर्गीय पाण्डेको पार्थिव शरिरलाई आइतबार साँझ हाटखोलास्थित विश्रान्ति धाममा दाहसंस्कार गरिने पारिवारिक स्रोतले जनाएको छ ।