अधिवक्ता विनयराज पाण्डेलाई मातृशोक

विराटनगर   ।  मोरङ बार एसोसिएसनका पूर्व अध्यक्ष एवम् सल्लाहकार अधिवक्ता विनयराज पाण्डेलाई मातृशोक परेको छ ।

उनकी आमा विमला पाण्डेको ८८ वर्षको उमेरमा सोमबार अपरान्ह निधन भएको हो ।

न्युमोनियाको समस्या देखिएपछि उनलाई उपचारका लागि अस्पताल भर्ना गरिएको थियो ।

अस्पतालबाट विराटनगर–९ स्थित आफ्नै निवासमा ल्याइएपछि उनको निधन भएको पारिवारिक स्रोतले जनाएको छ ।

दिवङ्गत पाण्डेको विराटनगर–७, हाटखोलास्थित परमविश्रान्तिघाटमा धार्मिक परम्पराअनुसार अन्तिम संस्कार सम्पन्न गरिएको छ । 

स्वर्गीय पाण्डेका पति वरिष्ठ अधिवक्ता, वरिष्ठ साहित्यकार एवम् प्राध्यापक विश्वराज पाण्डे, दुई छोराहरू विजयराज पाण्डे र अधिवक्ता विनयराज पाण्डे, दुई छोरीहरू विना र विदा तथा नाति विपुलराज पाण्डे छन्  ।