१९९ किलो गाँजासहित टिपर र चालक पक्राउ

उदयपुर । उदयपुरको कटारी नगरपालिका–४ स्थित मरुवा खोलाबाट प्रहरीले १९९ दशमलव ३२ केजी गाँजासहित एक टिपर र चालकलाई नियन्त्रणमा लिएको छ ।

विशेष सूचनाका आधारमा जिल्ला प्रहरी कार्यालय उदयपुरबाट खटिएको प्रहरी टोलीले ना.७ ख ८१७३ नम्बरको टिपर चेकजाँच गर्ने क्रममा ९ वटा बोरामा लुकाइ ल्याइएको गाँजा बरामद गरेको हो ।

गाँजासहित प्रहरीले टिपर चालक सोम मगरलाई समेत नियन्त्रणमा लिएको छ ।

प्रहरीका अनुसार बरामद गाँजा, टिपर र चालकलाई नियन्त्रणमा लिएर घटनाबारे थप अनुसन्धान भइरहेको छ ।