मेरिल्याण्डका ढकाल र पोखरेलद्वारा १ लाख ५१ हजार सहयोग

विराटनगर । भोटेकोशी बाढीबाट प्रभावितका लागि विराटनगरको मेरिल्याण्ड कलेजका दुई सञ्चालकले एक लाख ५१ हजार रुपैयाँ राहत सहयोग प्रदान गरेका छन् । 

विराटनगरस्थित मेरिल्याण्ड कलेजका प्राचार्य लक्ष्मण ढकालले एक लाख र कलेजका सञ्चालक भेषराज पोखरेलले ५१ हजार रुपैयाँ सहयोग प्रदान गरेका छन् । 

बाढी प्रभावितका लागि सहयोग पुगोस् भनेर आफूहरूले व्यक्तिगत रुपमा सहयोग रकम प्रदान गरेको कलेजका प्राचार्य ढकालले बताए ।

भोटेकोशीको बिनासकारी बाढीपछि विराटनगरका शैक्षिक संस्थाका सञ्चालकहरू आफूले सकेको रकम राहत स्वरुप सरकारलाई हस्तान्तरण गर्दै आएका छन् ।