भेडीगोठमा चट्याङ पर्दा ७२ वटा भेडा मरे

विराटनगर । चट्याङले लागेर सङ्खुवासभाको सभापोखरी–५ पेरुम्बामा रहेको भेडीगोठमा ७२ वटा भेडा मरेका छन् । 

शनिबार राती करिव ११ बजेतिर परेको चट्याङले लागेर पेरुम्बामा सोही वडाको फाकुवाका सोम बहादुर लिम्बुको भेडीगोठमा रहेका भेडा मरेको जिल्ला प्रहरी कार्यालय संखुवासभाले जनाएको छ ।

घटनास्थलमा प्रहरी चौकी बाह्रबिसे, जिल्ला प्रहरी कार्यालय र सभापोखरी गाउँपालिकाको पशु प्राविधिक टोलीसहित पुगेर स्थलगत जाँचबुझ गरेको हो ।

चट्याङले भेडा मर्दा करिव १४ लाख रुपैयाँ बराबरको क्षति भएको जनाइएको छ ।