निःशुल्क आँखा शिविर

विराटनगर । विराटनगर महानगरपालिका– ३ स्वतन्त्र टोल विकास संस्था, विराट आवासीय पुरुष सञ्जाल र प्रकाशेश्वर शिवालय सेवा समितिको आयोजनामा शनिबार भएको शिविरमा दुई सय बढीको निःशुल्क आँखा  परीक्षण गरिएको छ ।

जनरल हस्पिटल एण्ड ट्रमा सेन्टर प्रालि विराटनगर–१३ को प्राविधिक सहयोगमा शिविर भएको  हो ।

विराट आवासीय पुरुष सञ्जालका अध्यक्ष गुणराज घिमिरेले शिविरमा आँखाको मोतिया बिन्दु, लेन्स, आँखा पाक्नेलगायत समस्याहरू देखा परेको बताए ।