अक्षयकोषबाट जेहनदार विद्यार्थी सम्मानित

विराटनगर । भीष्मराज हिमकला अक्षयकोषबाट चारजना जेहनदार विद्यार्थीहरू सम्मानित भएका छन् । 

मोरङको रंगेली नगरपालिका–१ स्थित त्रिभुवन माध्यमिक विद्यालय गोहीगाडामा अध्ययनरत ओमकुमार बस्नेत, सृष्टि भुजेल, भूमिका बिक र आशिष झाँगडलाई जनही  दुई हजार नगद तथा शैक्षिक सामग्री प्रदान गरिएको जनाइएको छ । 

शिक्षाप्रेमी तथा विद्यालयका पूर्वविद्यार्थी सुवास गौतमले आफ्ना मातापिताको सम्झनामा भीष्मराज हिमकला छात्रवृत्ति अक्षयकोष स्थापना गरेका हुन् । 

शैक्षिकसत्र २०८२ को सबै परीक्षामा कक्षा १ देखि कक्षा १० सम्म प्रथम, दोस्रो, तेस्रो हुने ३० विद्यार्थीहरूलाई समेत सम्मान गरेको विद्यालयका शिक्षक दिनेश बिष्टले जानकारी दिए । 

नेपाल सरकारद्वारा प्रदान गरिने सीमान्तकृत दलित तथा बालिका छात्रवृत्ति कक्षा १ देखि कक्षा ५ सम्मका ७७ जना विद्यार्थीलाई प्रदान गरिएको छ ।