श्रम संस्कृतिले कोशीमा जित्यो तीन सिट, भोजपुरमा पराजित भए शेरधन

विराटनगर । प्रतिनिधिसभा निर्वाचनमा हर्क साम्पाङ नेतृत्वको श्रम संस्कृति पार्टीले प्रत्यक्षतर्फ तीन सिट सुरक्षित गरेको छ ।

अञ्जुलीको माटो चुनावचिह्नमा मैदान उत्रिएको श्रम संस्कृतिका ध्रुवराज राईले भोजपुरमा नेकपा एमालेका केन्द्रीय सचिव तथा कोशी प्रदेश इन्चार्ज शेरधन राई पराजित गरेका छन् ।

राईलाई श्रम संस्कृति पार्टीका ध्रुवराज राईले १९१३ को मतान्तरमा पराजित गरेका हुन् । 

ध्रुवराजले १६ हजार ६६३ मत प्राप्त गरेका छन् भने शेरधनले १४ हजार ७५० मत पाएका हुन् । 

भोजपुरमा नेपाली कांग्रेसका उम्मेदवार बालकृष्ण थापाले ८ हजार ६७० मत पाए । 

रास्वपाका रमेश ओझाले ६ हजार १०२ पाएर चौथो भए भने नेकपाका अजम्बर काङमाङले ५ हजार ६२८ मत ल्याएका हुन् ।

१ लाख २५ हजार ७६६ मतदाता रहेको भोजपुरमा १ लाख २५ हजार मत खसेको थियो । 

श्रम संस्कृतिका अध्यक्ष हर्क साम्पाङ सुनसरी–१ मा निर्वाचित भइसकेका छन् । त्यस्तै खोटाङमा आरेन राई पनि निर्वाचित भएका छन् ।