विराटनगर महानगरद्वारा २५ लाख ५१ हजार सहयोगको घोषणा

विराटनगर । विराटनगर महानगरपालिकाले भोटेकोशी बाढीबाट प्रभावित नागरिकको उद्धार, राहत तथा पुनस्र्थापनाका लागि २५ लाख ५१ हजार रुपैयाँ सहयोग गर्ने निर्णय गरेको छ ।

महानगरले विपद् व्यवस्थापन कोषबाट ११ लाख रुपैयाँ उपलब्ध गराउने तथा बाँकी रकम जनप्रतिनिधिको सेवा–सुविधा र कर्मचारीको मासिक पारिश्रमिकबाट जुटाउने भएको हो ।

महानगर प्रमुख नागेश कोइरालाले भोटेकोशीमा आएको विपद् कुनै एउटा भूगोल वा समुदायको मात्र समस्या नभई सिंगो मुलुकको साझा पीडा भएको बताए । 

विपद्को समयमा स्थानीय तह, निजी क्षेत्र, संघसंस्था र नागरिक समाजले आफ्नो क्षमताअनुसार सहयोग गर्नुपर्ने उनले बताएका हुन् ।

अब सरकारले पनि निजी क्षेत्रको यस्तो तदारुकतालाई सकारात्मक रूपमा लिँदै राहत तथा उद्धार अभियानमा प्रभावकारी समन्वय गर्नुपर्ने आवश्यकता देखिएको छ । 

विपद्को पीडामा रहेका नागरिकसम्म सहयोग छिटो, पारदर्शी र प्रभावकारी रूपमा पु¥याउन सरकार, स्थानीय तह, निजी क्षेत्र र सामाजिक संघसंस्थाबीचको सहकार्य नै अहिलेको प्रमुख आवश्यकता बनेको छ ।