भारतीय वीआईएस लाइसेन्स समस्या तत्कालै सुल्झाउन आग्रह

विराटनगर । भारत सरकारले नेपाली उत्पादनहरूको भारतमा निर्यातका लागि अनिवार्य गरेको ब्युरो अफ इण्डियन स्टाण्डर्ड (बिआईएस) लाइसेन्सको नवीकरण र नयाँ जारी गर्ने प्रक्रियामा ढिलासुस्ती गर्दा नेपाली निर्यातकर्ता उद्योगहरूको निर्यात ठप्प भएको मोरङ उद्योग व्यापार संघले जनाएको छ ।

भारतीय पक्षको व्यवहारका कारण नेपालबाट भारततर्फ हुने निर्यात प्रभावित भएको भन्दै संघले सो समस्या समाधानका लागि भारत सरकारसँग तत्कालै कूटनीतिक पहल गन सरकारसँग आग्रह गरेको छ ।

भारतीय पक्षले नेपाली निर्यातकर्ताहरूको बिआईएस लाइसेन्स नवीकरण नगर्दा तथा नयाँ लाइसेन्स जारी गर्न आनाकानी÷ढिलासुस्ती गर्दा भारतीय बजारमा नेपाली उत्पादनहरूको निर्यातमा अवरोध भएको संघका अध्यक्ष अनुपम राठीले जनाएका छन् । 

विशेष गरी फरेन म्यानुफयाक्चर सर्टिफिकेट स्किम अन्तर्गत नेपाली उद्योगका हकमा आवेदन, निरीक्षण, परीक्षण र स्वीकृतिका सम्पूर्ण चरणहरूको समयसीमा स्पष्ट रुपमा निर्धारण नगरिएको अवस्था छ । 

जसका कारण दुई देशबीचको द्विपक्षीय व्यापार प्रभावित भएको संघको भनाइ छ । 

संघले उद्योग र नेपाल उद्योग वाणिज्य महासंघलाई समेत पत्राचार गरी भारतीय पक्षको सो नन टेरिफ वेरियर (गैर–भन्सार अवरोध) ले नेपालका निर्यातजन्य उद्योग÷व्यवसायहरू प्रत्यक्ष आर्थिक क्षति पु¥याइरहेको जानकारी गराउँदै त्यस प्रकारको अवरोधलाई तत्कालै समाधान गर्न आग्रह गरेको छ । 

सरकारले तत्काल कूटनीतिक च्यानल प्रयोग गरी यस विषयलाई सम्बोधन नगरे नेपाली उद्योगहरू धराशायी हुने अवस्था आउन सक्नेतर्फ  संघले ध्यनाकर्षण गराएको छ ।