२८९ मत गन्दा चन्द्र बहादुरले पाए १६२ मत, वर्तमान सभापति तामाङलाई ८६ मत

विराटनगर । रास्वपा कोशी प्रदेश समितिको नयाँ नेतृत्व चयनका लागि मतगणना जारी हुँदा सभापतिमा चन्द्र बहादुर राई अगाडि देखिएका छन् ।

अपरान्ह ३ बजेसम्मको मतपरिणाम अनुसार २८९ मतको गणना सकिंदा सभापतिका उम्मेदवार राईले १६२ मत प्राप्त गरेका छन् ।

वर्तमान सभापति गोमा तामाङ (सरिन) ले ८६ मत प्राप्त गरेको जनाइएको छ ।

सभापतिकै उम्मेदवार डा. खगेन्द्र कटुवालले २५ र चन्द्रकुमार गौलीले १९ मत प्राप्त गरेका छन् ।

बुधबार राती ढिलो मतदान सुरु भएका कारण केही मतदाताले मतदान गर्न नपाएको विषयमा विवाद हुँदा बिहीबार विहान ८ बजे सुरु गर्ने भनिएको मतगणना प्रभावित भएको थियो ।

बिहीबार अपरान्ह करीव १ बजेतिर मतगणना सुरु भएको र अहिले जारी रहेको जनाइएको छ ।

प्रधानमन्त्री बालेन्द्र शाह निकट रहेका राईलाई निर्वाचित गराउन महामन्त्री भुदेव शाह नै खटिएका थिए ।